I CISV Rogaland har vi mange ting som skjer i 2019:
Barneleir. I år har vi tre delegasjonar å senda på barneleir/Village. Da treng vi seks jenter og seks gutar. I 2019 er alle leirene vi skal senda delegasjonar til utanfor Norge. Barneleir varer i fire veker og er oftast i sommarferien, men kan også vera litt overlappande ut i skuleåret. Barneleirar kan også vera lagt til vinteren, men leirene er da på sørlege halvkula der det da er sommar. Barna som søkjer må vera født:
– mellom 1. juni 2007 – 31. august 2008 for å vera med på sommarleir
– mellom 1. november 2007 – 31. januar 2009 for å vera med på vinterleir.
Step Up. I år har vi ein StepUp 14 år og ein 15 år. På kvar av desse StepUp er det to jenter og to gutar som reiser på leir saman og leiren varer i tre veker, men kan overlappa ut i skuleåret.
For å vera med på StepUp 15 år må du vera født mellom 1. juni 2003 – 31. august 2004
For å vera med på StepUp 14 år må du vera født mellom 1. juni 2004 – 31. august 2005
Youth Meeting. Vi ønskjar å senda to delegasjonar på 12-13 år på YM og dette vil vera i samarbeid med eit anna fylkeslag. YM er for jenter og gutar på 12-13 år. Vi har 4 plassar til YM 12-13år påsken 2019 og 4 plassar til YM 12-13år sommaren 2019. I tillegg har vi 2 plassar til YM 14-15 år der delegatane reiser saman med eit anna fylkeslag.
YM i påsken er 8 dagar og YM på sommaren er mellom 8-15 dagar.
Leiarane som reiser med delegasjonane må vera minst 21 år og ha referansar og politiattest i orden.
Søknadsfrist er seinast 1. desember på cisv.no
